Mejemjetanje - Maibaumwerfen  

Tež lětsa wijachu zaso šulerki a šulerjo 9. lětnika ranku za našu šulsku mejku.
Zhromadnje z 10. lětnikom stajichmy potom po zwučenym wašnju naš mejski štom na dnju chodojtypalenja w šulskim dworje.
Po tym, zo bě naša mejka dwaj tydźenjaj bjez škody přetrała, móžachmy 16. meje na dworje našeje šule tradicionalne šulske mjejemjetanje přewjesć.
Dohromady 16 šulerkow a šulerjow wyšeje šule a horstka šulerjow ze zakładneje šule su sebi serbsku katolsku drastu zwoblěkali a wšelake reje wokolo mejskeho štoma zarejowali. Najspěšnišo za mejski wjeršk hrabny Filip Pjech a wuwzowli sebi Mariju Cyžec za jeho mejsku kraloswnu.  Po ćahu přez wjesku přizamkny so při dobrej naladźe dwórski swjedźeń. (tekst: Maria Cyžec / fota: B. Jurk)

Mejski porik: Maria Cyžec & Filip Pjech


 

Posledni šulski dźeń - Letzter Schultag