Žiwa zhromadnosć - Gemeinschaft [06/2018]
Na Serbskej wyšej šuli we Worklecach přewjedźe so dnja, 27.06. 2018 projektowy dźeń „Žiwa zhromadnosć“. Ze zhromadnej snědanju na šulskim dworje so dźeń započa. Potom podachu so šulerjo do rjadownjow. Tam wočakowachu jich tematiske jednotki, kotryž zaběrachu so z motom „Žiwa zhromadnosć“. Zaběrachu so z rjadowniskimi regulemi, z tolerancu, z respektom, z klimu w rjadowni a ze ciwilnej kuražu. K tomu je sej šula přeprosyła partnerow z wokrjesa.
Šulerjo wosmeho lětnika rozjimachu, čehodla je respekt wažny. Rozestajichu so, što słuša wšitko k respektej a čehodla su někotři njerespektni. Po tutymaj dwěmaj hodźinomaj mějachu šulerjo wočerstwjacu wobjedowu přestawku.
Po wobjedźe podachu so šulerjo do jich dźěłarničkow, kaž stacija za njealkoholiske cocktaily, dźiwadźelenje, mječowy bój, medije, wohnjowa wobora, přirodna kosmetika, geocaching, linedance, kłok a prok, beatboxing a serbski rap. Kóždy šuler móžeše so do dźěłarnički zapisać, kotryž jeo najbóle zajimowaše. Na kóncu dnja zhromadźichu so šulerjo w sportowni a předstajichu skrótka wuslědki z jich dźěłarničkow. Tak skónči so dźeń połnych nazhonjenjow a nowych idejow.
Error
tekst a foće: Medijowa dźěłarnička